1- Azerbajxhani 85 pikë
2- Irani 55 pikë
3- Armenia 35 pikë
4- Gjeorgjia 34 pikë
5- Kazakistani 28 pikë
6- Franca 20 pikë
7- Hungaria 20 pikë
8- Kina 20 pikë
9- Turqia 17 pikë
10 – Rumania 15 pikë

Dy pika të rëndësishme në lidhje me Kampionatin Botëror të Mundjes në Shqipëri.
Së pari, prania mbresëlënëse e anëtarëve të Shoqates së shpetimit “Nexhat” , të cilët brohoritën kombëtaren Iraniane të mundjes në të gjitha garat në stadium dhe brohoritjet e tyre nuk ishin pa ndikim, heshtja e sektit Rajavi për sukseset e sportistëve iranianë dhe gjithashtu mungesa e tyre në stadium.
Organizata e Muxhahedinëve MEK në Shqipëri ka ndaluar hyrjen në stadium të antarëve të vet dhe ata nuk guxojnë të shkojnë në stadium dhe të shikojnë ndeshjet, apo të shkojnë dhe të inkurajojnë skuadren kombëtare Iraninane .

Anëtarët e Shoqatës së shpetimit “Nexhat” u shpjeguan të pranishmëve në stadium pse anëtarët e Organizatës MEK që jetojnë në kampin sektar të Manzit nuk janë të pranishëm për të parë ndeshjet dhe për të bërë tifo për kombëtaren iraniane. Ata shpjeguan se Masoud dhe Marjam Raxhavi, kryetarët e Organizatës së MEK, janë shumë të mërzitur për sukseset sportive të vendit të tyre dhe asnjë nga anëtarët nuk ka të drejtë të Festoje fitoren e Iranit.

Shoqata Nexhat Shqiperi

Turneu botëror i mundjes klasike për moshat nën 23 vjeç, u zhvillua në kryeqytetin e Shqipërisë – Tiranë, nga dita e hënë me 21 tetor deri ditën e enjte, 24 tetor. Skuadra kombëtare e të rinjve të Iranit, fitoi 3 medalje të arta dhe 4 medalje bronzi në renditjen ekipore me 149 pikë dhe fitoi bindshëm kupën e kampionatit. Pas skuadrës iraniane që ngriti trofeun e kampionatit, skuadrat e Gjeorgjisë me 121 pikë dhe e Armenisë me 93 pikë u renditën e dyta dhe e treta.

Renditja e ekipeve: 1- Irani 149 pikë 2- Gjeorgjia 121 pikë 3- Armenia 93 pikë 4- Azerbajxhani 72 pikë 5- Moldavia 52 pikë 6- Kirgistani 50 pikë 7- Polonia 50 pikë 8- Uzbekistani 45 pikë 9- Gjermania 45 pikë 10 – Amerika 40 pikë

Një sërë anëtarësh të Shoqatës Shpëtimi në Shqipëri, duke mbajtur në duar flamurin trengjyrësh të Iranit dhe logon e Shoqatës Shpëtimi në Shqipëri, morën pjesë në stadiumin ku u zhvilluan ndeshjet dhe inkurajuan me entuziazëm kombëtaren iraniane, e cila pati një ndikim të madh në shpirtin e të të rinjëve të vendit tonë.

Mbajtja e këtyre garave u bë shkak që ata të prezantojnë Shoqatën Shpëtimi dhe kushtet e tyre si dhe shkeljet e të drejtave të njeriut në kampin e Muxhahedin-e-Khalk/MEK-ut, në Manz të Durrësit. Njerëz nga publiku u afruan dhe mezi prisnin të mësonin se çfarë po bënin këta iranianë në Shqipëri, të cilëve iu dhanë shpjegimet e nevojshme.

Ajo që tërhoqi më shumë vëmendjen e të pranishmëve, ishte shprehja e emocioneve dhe entuziazmit të Ermolindo Rahimit, djalit gjashtëvjeçar të Sarferazit dhe Erisës, i cili, pavarësisht se nuk e ka parë kurrë Iranin, tërhoqi vëmendjen e gjithë stadiumit duke thërritur “Rroftë Irani, rroftë Irani”.

Drejtorë dhe trajnerë të pranishëm në stadium të cilët nuk ishin në dijeni të ekzistencës së Shoqatës së Shpëtimit në Shqipëri, u kërkuan anëtarëve të kësaj shoqate që të merrnin pjesë edhe në garën botërore të mundjes së lirë për moshat nën 23 vjeç që do të zhvillohen nga dita e premte më 25 nëntor deri të dielën më 27 nëntor po në Tiranë, kryeqytetin e Shqipërisë.

Shoqata Shpëtimi e Shqipërisë i uron titullin kampion ekipit kombëtar të mundjes klasike të ekipit të të rinjëve të Iranit si edhe imbarë popullit iranian dhe gjithashtui uron të rinjve iranianë edhe shumë tituj dhe trofe të tjera dhe të vazhdueshme në kampionatet botërore në të gjitha fushat sportive.

Shoqëria Shpëtimi e Shqipërisë

Njoftimi i Policisë:

Kakavijë/Kapet në hyrje të RSH-së dhe arrestohet me qëllim ekstradimin, 1 shtetas iranian që ishte në kërkim ndërkombëtar.
Si rezultat i intensifikimit të kontrolleve dhe i shkëmbimit të informacionit mes Interpol Teheranit dhe Interpol Tiranës, Policia Kufitare kapi në hyrje të RSH-së, shtetasin iranian të shpallur në kërkim ndërkombëtar: Mehran Kamolpour 52 vjeç, lindur në Iran dhe banues në Danimarkë.
Në vijim të veprimeve procedurale, Seksioni për Hetimin e Krimeve Ekonomiko-Financiare i DVP Gjirokastër arrestoi me qëllim ekstradimi drejt Iranit, shtetasin M. K., të cilin Gjykata e Teheranit e ka dënuar me 2 vjet burgim, për veprën penale “Falsifikimi i dokumenteve”

abcnews.al

Kazem Gharibabadi deklaroi se grupi terrorist i hipokritëve të MEK është i njollosur me gjakun e mijëra iranianëve. Ata martirizuan popullin e pafajshëm të Iranit dhe tani ata po lëvizin lirshëm në disa vende. Gharibabadi vuri në dukje se paralelisht me presionet ligjore, gjyqësore dhe politike që Republika Islamike e Iranit ka ushtruar ndaj disa prej vendeve që presin hipokritët, vetë këto vende kanë arritur në përfundimin se hipokritët e MEK janë me të vërtetë një grup terrorist. Ai shtoi: Vendet që presin hipokritët janë duke i kufizuar ata. Sekretari i shtabit të të drejtave të njeriut në Iran përshëndeti masat e marra për kufizimin e grupit terrorist të hipokritëve të MEK dhe theksoi se Republika Islamike e Iranit është rruga për të çliruar botën nga terrorizmi dhe grupet terroriste. Gjykata penale e shkallës së parë e Teheranit më parë u kërkoi anëtarëve të arratisur të grupit terrorist të hipokritëve që të prezantojnë avokatin e tyre në këtë gjykatë për mbrojtjen e tyre në procesin e gjykimit të dosjes së ngritur kundër tyre, sepse në rast të kundërt ndaj tyre do të merret masa dhe vendimi përkatës sipas ligjit. Grupi terrorist i hipokritëve të MEK është përgjegjës për vrasjen e më shumë se 17,000 iranianëve, duke përfshirë anëtarë të parlamentit, zyrtarë të lartë qeveritarë dhe ushtarakë, qytetarë të thjeshtë të pafajshëm dhe shtetas të huaj.

Gjykata penale e provincës së Teheranit me anë të një njoftimi publik njoftoi se 104 anëtarë të grupit terrorist MEK do të gjykohen si të pandehur në bazë të çështjes së ngritur në këtë gjykatë. Gjykata u kërkoi anëtarëve të arratisur të grupit terrorist MEK që t’i paraqesin kësaj gjykate avokatët e tyre për t’i mbrojtur ata në procesin e shqyrtimit të çështjes së ngritur për ta, në të kundërtën, sipas ligjit, do të merret vendimi gjyqësor. Grupi terrorist MEK është përgjegjës për vrasjen e më shumë se 17,000 iranianëve, duke përfshirë anëtarë të parlamentit, zyrtarë të lartë qeveritarë dhe ushtarakë, qytetarë të thjeshtë të pafajshëm dhe shtetas të huaj. Më 20 qershor, forcat e policisë shqiptare hynë në kampin e MEK, të njohur si Ashraf-3, pranë Tiranës për shkak të angazhimit të këtij grupi në “terror dhe sulme kibernetike” kundër institucioneve të huaja. Autoritetet shqiptare konfiskuan 150 pajisje kompjuterike të lidhura me aktivitete terroriste.
Korrik 29, 2023 21:27 Europe/Tirane

I nderuar z. President

Nga mediat mesojme qe ne date 15 korrik 2022 disa hakere te paidentifikuar kane sulmuar sistemet online te qeverise shqiptare. Keto sherbime jane kthyer ne linje sot ne date 20 korrik 2022. Nga kryeministri Edi Rama aludohet se sulmi kibernetik mund te kete ardhur nga dy shtete. Ne media aludohet qe keto shtete mund te jene Rusia apo Irani.

Mediat nderkombetare njoftojne qe nga vendi yne ne fillim te muajit qershor, organizata e muxhahedineve iraniane qe strehoet ne Manez, ka sulmuar mbi 5000 faqe qeveritare dhe kamera ne Iran. Ky lajm eshte botuar ne faqet e Zerit te Amerikes[1] dhe media te tjera nderkombetare.

Ne daten 2 korrik 2022 agjensia e lajmeve Iran International tregon qe muxhahedinet kane bombarduar bazen Malek Ashtar ne Teheran. Per here te pare prej shume vitesh muxhahedinet kane marre persiper sulmin terrorist duke deklaruar qe ky sulm eshte bere nga celula revolucionare.[2]

Ne sulmin kibernetik ndaj Shqiperise te dates 15 korrik, sikur raporton Top Channel i cili pretendon qe hakeret te jene iraniane, hakeret kane shkruar: “Pse duhet te shpenzohen taksat tona ne dobi te terroristeve ne Durres”[3] duke aluduar me kete bazen e muxhahedineve iraniane.

Nese aludimi me siper eshte i vertete dhe duke u bazuar ne kronologjine e sulmeve terroriste qe organizata e muxhahedineve iraniane ka kryer kunder Iranit ne muajt e fundit, u lusim si kryetar i Këshillit te Sigurisë Kombëtare qe te mblidhni keshillin qe ju drejtoni dhe te shqyrtoni nese Shqiperia eshte futur ne nje konflikt kibernetik dhe ushtarak me Republiken Islamike te Iranit pa dijene e strukturave te sigurise se shtetit shqiptar apo nese muxhahedinet po mundohen te na fusin ne konflikt. Nese aktiviteti muxhahedin vertetohet dhe eshte bere pa dijenine tuaj, kerkojme qe ndaj ketij aktiviteti kriminal te merren masat e duhura ligjore.

Si njohes te Iranit dhe patriote shqiptare, ndjekes ne distance te bisedimeve nukleare SHBA – Iran, jemi te gatshem te ofrojme ekspertizen dhe deshmite tona per aktivitetin muxhahedin ne vend, kercenimin qe ai sjell per sigurine kombetare dhe politikat e aleatit te Shqiperise, SHBA-se ne bisedimet e Vjenes.

Me nderime,

Dr. Olsi Jazexhi dhe Gjergji Thanasi

[1] Shiko: Iran Exiles Claim Disrupting Tehran’s Surveillance Cameras, https://www.voanews.com/a/iran-exiles-claim-disrupting-tehran-s-surveillance-cameras/6600944.html
[2] Shiko: Two Explosions Hit IRGC Base In The Iranian Capital, https://www.iranintl.com/en/202207021530
[3] Shiko: Exclusive/ Irani sulmoi Shqipërinë? Mesazhi politik pas goditjes së shërbimeve të e-Albania, https://top-channel.tv/2022/07/20/exclusive-irani-sulmoi-shqiperine-mesazhi-politik-pas-goditjes-se-sherbimeve-te-e-albania0/

Radiokosovaelire

Rreth kësaj organizata ekzistojnë tre lloj gjykime brenda dhe jashtë Republikës Islamike të Iranit:

1- Shumica e aktivistëve politikë iranianë brenda dhe jashtë RII, duke theksuar mbi aspektin e dhunshëm dhe të kryengritjes së armatosur që ekziston në identitetin dhe strategjinë e saj, shprehen me një vështrim negativ rreth kësaj organizate të cilën e konsiderojnë si një grup terrorist i cili ka krijuar pengesa themelore në rrugën e vendosjes dhe shtrirjes së demokracisë.

2- Shumica e grupeve dhe shtresave të ndryshme të shoqërisë iraniane kanë theksuar në mënyrë të veçantë që kjo organizatë të quhet “Monafekin” dhe kanë vendosur emrin e saj përkrah regjimit Bath të Sadam Huseinit. Qytetarët iranianë gjatë protestave të tyre, hedhjen e sloganeve kundër kësaj organizate dhe shprehjen e urrejtjes ndaj saj, gjithnjë e kanë konsideruar si obligim fetar dhe revolucionar të tyre. Sipas sondazheve të shumtë të cilët janë bërë sipas parimeve shkencore nëpër ambiente dhe qarqe të ndryshme shoqërore, kanë treguar se edhe ata të cilët nuk kanë pas ndonjë eksperiencë praktike në përballje me funksionin dhe veprimtarinë e kësaj organizate, besojnë në këtë se Organizata Moxhahedine Khalk” është një grup i armatosur i cili për t’i realizuar objektivat e tij deri më tani ka derdhur gjakun e shumë civilëve të pafajshëm dhe i ka shërbyer ushtrisë agresioniste të Sadam Huseinit.

3- Në arenën ndërkombëtare, sidomos pasi SHBA-t deklaruan qëndrimin zyrtar të tyre në vitin 1994 rreth organizatës në fjalë si dhe pas deklarimit të qëndrimeve të ngjashme të disa vendeve evropiane sëbashku me deklaratën e BE-s, në bazë të së cilës ky grup identifikohej si një organizatë terroriste nën mbështetjen e qeverisë së ish-diktatorit irakian Sadam Husein, shumë organizata qeveritare dhe joqeveritare ndërkombëtare të influencuara nga pozita diplomatike e Republikës Islamike të Iranit si dhe në harmoni me zgjerimin e atmosferës globale anti-terroriste përgjatë viteve të fundit, kanë refuzuar dhe dënuar Organizatën Moxhahedine Khalk. Kështu kanë vepruar edhe shumë grupe opozitare të Republikës Islamike të cilat veprojnë jashtë Iranit dhe këtë organizatë e kanë quajtur një “Grup Terrorist” duke e përshkruar me ideologji të gjakderdhjes dhe veprimeve të dhunshme.

Hulumtimet e fundit të bazuara mbi dokumentet dhe dëshmitë si dhe duke analizuara të gjitha shkrimet dhe kujtimet e mbetura nga periudha katër dekadash e kësaj organizate, shumë qartë kanë vërtetuar se formimi i një grupi politik i bazuar në veprime të dhunshme, “kryqëzim ideologjik” dhe në “ekstremizëm”, nuk mund të gjej kurrë një rrugë të drejtë si dhe të ketë një përfundim pozitiv. Organizata Monafekin pas ndryshimit të ideologjisë së saj në marksizëm në vitin 1975 e deri në fitoren e Revolucionit Islamik në Iran, kur edhe filloi kryengritja e saj e armatosur kundër sistemit të Republikës Islamike, dhe pas largimit të strukturës kryesore të saj nga Irani duke u vendosur në shtetet perëndimore dhe në Irak, ka përjetuar një fat politik dhe ideologjik me plotë ngjarje të ndryshme.

Provat e pakundërshtueshme tregojnë se hipokritët e MEK dhe grupet e tjera terroriste kanë kryer shumë krime në rajon me mbështetjen financiare dhe ushtarake të Shteteve të Bashkuara, Izraelit dhe Arabisë Saudite. Nga viti 1979 në 1981, grupi terrorist i hipokritëve të MEK mori përgjegjësinë për vrasjen e shumë zyrtarëve, forcave revolucionare dhe njerëzve të thjeshtë të shoqërisë.

Më 26 korrik 1981, Hazreti Ajetollah Khamenei gjatë një fjalimi në xhaminë Abuzar në Teheran, u shënjestrua nga një sulm terrorist. Pas këtij incidenti, me shpërthimin terrorist të 27 korrikut 1981, i cili është një nga shpërthimet më të mëdha terroriste në historinë e Republikës Islamike të Iranit, operacionet terroriste hynë në një fazë të re.

Në këtë ditë, për shkak të shpërthimit të një bombe të fuqishme të vendosur nga hipokritët e MEK në sallën e asamblesë së Partisë Republika Islamike në Teheran, u martirizuan Ajetollah “Seyyed Mohammad Hosseini Beheshti”, kreu i Gjykatës së Lartë, së bashku me 72 zyrtarë, përfshirë katër ministra, 12 zëvendës ministra dhe rreth 30 deputetë.

Disa muaj më vonë, më 29 gusht 1981, në një tjetër shpërthim terrorist, u martirizuan Presidenti Mohammad Ali Rajaei dhe Kryeministri i atëhershëm iranian Mohammad Javad Bahonar. Këto krime terroriste nuk do të fshihen kurrë nga mendja e popullit iranian.

Associated Press kohët e fundit në prezantimin e disa mbështetjeve të SH.B.A.-së për terrorizmin ekspozoi ryshfetin e marrë nga disa senatorë amerikanë dhe shkroi: Një zyrtar në kabinetin e presidentit Donald Trump dhe të paktën një nga këshilltarët e tij, kundrejt marrjes së parave kanë mbajtur fjalim për grupin terrorist MEK. Referenca e qartë e agjencisë informative ishte për Elaine Lan Chao, e cila u zgjodh ministër i Transportit i Trump.

Sipas botimit, në vitin 2015, ajo mori 50,000 dollarë për një fjalim pesë-minutash në degën politike të grupit MEK. Ish-kryebashkiaku i Neë York-ut Rudy Giuliani gjithashtu mori një tarifë të paspecifikuar parash për të mbajtur fjalim për grupin terrorist MEK, thanë disa burime të tjera.

Historia e hipokritëve të MEK është në fakt historia e një grupi terrorist që tashmë është bërë një aleat për Shtetet e Bashkuara dhe disa vende evropiane. Departamenti i Shtetit vite më parë vuri hipokritët e MEK në listën e grupeve terroriste, por kur u përpoq ta përdorte grupin si një mjet, ai e largoi grupin nga lista e tij për të treguar ajo që kanë rëndësi për Shtetet e Bashkuara është arritja e qëllimit me çdo mënyrë, edhe nëse qëllimi arrihet nëpërmjet një organizate terroriste.

Në këtë drejtim, mbështetja e hipokritëve për protestuesit e vitit 2009 dhe lëshimi i një urdhri organizativ për trazira në Teheran gjatë lëvizjes së vitit 2009, si dhe goditja e sistemit dhe pasurisë publike dhe e njerëzve të pafajshëm, janë veprime të tjera të këtij grupi.

Në janar 2017, kur një pjesë e popullsisë po protestonin kundër situatës ekonomike të vendit, armiqtë e regjimit u përpoqën t’i kundërviheshin Republikës Islamike duke devijuar protestat. Udhëheqësi i grupit terrorist MEK, Maryam Rajavi, në një intervistë me gazetën saudite Okaz tha qartë se trazirat e janarit në Iran ishin produkt i punës së hipokritëve të MEK.

Nga këndvështrimi i Shteteve të Bashkuara dhe disa vendeve evropiane që pretendojnë se luftojnë terrorizmin; Nuk ka aspak rëndësi se hipokritët e MEK kanë vrarë më shumë se 12,000 iranianë.

Me këtë pikëpamje, Shtetet e Bashkuara i mbyllën sytë përpara rolit të hipokritëve të MEK në shtypjen e mijëra irakianëve dhe kurdëve dhe i vendosën ata nën ombrellën e mbështetjes së tyre.

“Ata (hipokritët) janë një zgjedhje më e mirë sesa sanksionet dhe lufta për të ndihmuar në avancimin e programit kundër Iranit ” tha Raymond Tanter, një ish-anëtar i Këshillit të Sigurimit Kombëtar të SHBA dhe një mbështetës i hipokritëve të MEK që shkroi një libër mbi lëvizjet e grupit për të hequr veten nga lista e Shtetet e Bashkuara për mbështetësit e terrorizmit.

Shtetet e Bashkuara dhe disa vende evropiane, megjithëse e dinë se dora e këtij grupi terrorist është njollosur me gjakun e mijëra njerëzve të pafajshëm; Por kur hipokritët e MEK ikën nga Irani, ata i mbështetën ata. Hipokritët kaluan ca kohë në Francë dhe më pas me fillimin e luftës së imponuar shkuan në Irak për të shoqëruar armikun në agresionin e tij kundër Iranit.

Pas pushtimit amerikan të Irakut dhe rënies së regjimit të Sadamit, elementët e këtij grupi terrorist vazhduan të mbështeteshin nga Shtetet e Bashkuara dhe Evropa, dhe me mbështetjen e Perëndimit, ata u transferuan në Shqipëri për të vazhduar lirshëm aktivitetet e tyre.

Një çështje që është pranuar nga një numër zyrtarësh të policisë dhe gazetarëve shqiptarë është se baza e grupit në Shqipëri është bërë një vend i panjohur në të cilin operohet nën rregullat e vetë grupit dhe pa marrë parasysh ligjin e qeverisë shqiptare.

Tani, përveç këtyre rrethanave, grupi i hipokritëve të MEK është i pranishëm në këtë rajon si një grup militant dhe terrorist dhe me mbështetjen financiare që vjen nga ky grup, ata po thellojnë ndikimin e tyre në këtë rajon.

Duke pasur parasysh historinë e aktiviteteve të përhapura terroriste të grupit të hipokritëve të MEK dhe kontaktet e grupit me grupe mafioze në Shqipëri, këto lidhje mund të jenë një kërcënim real për qytetarët e këtij vendi dhe Ballkanit.

Vrasja e personaliteteve dhe zyrtarëve të tillë si Dëshmori Ajetollah Beheshti së bashku me 72 zyrtarë të tjerë, e Presidentit dhe Kryeministrit përkatësisht Dashmor Rajai dhe Mohammad Javad Bahonar, Ajetollah Madani, Ajetollah Dastgheib, Ajetollah Kudusi, Ajetollah Ashrafi Esfahani, Ajetollah Sadoughi, Dëshmori Lajevardi dhe Dëshmori Seyyed Shirazi dhe në vitet e fundit martirizimi i shkencëtarëve dhe dijetarëve bërthamorë, janë viktima të terrorizmit, të cilët janë martirizuar nga hipokritët e MEK ose vetë amerikanët dhe agjentët e tyre.

Futja e hipokritëve të MEK në fazën e vrasjes së drejtpërdrejtë të njerëzve dhe akteve terroriste kundër Republikës Islamike më 20 qershor 1981 ishte fillimi i skandalizimit të natyrës së vërtetë të këtij grupi terrorist. Në të njëjtën kohë kur ushtria Baathiste e Sadamit nisi agresionin kundër Iranit, grupi terrorist MEK nisi operacionet vandale dhe terrorizuese në rrugët dhe pazaret e vendit me bombardimet e tij të shumta në vende publike, akte terroriste dhe vrasje brutale, duke u bërë kështu shtylla e pestë e regjimit e agresorit Ba’athist.

Aleanca me Saddamin dhe ushtrinë Baathiste në luftën e imponuar kundër Iranit, kryerja e operacioneve sabotuese brenda Iranit, spiunimi i aktiviteteve ushtarake, sigurimi i informacionit ushtarak dhe ekonomik për armikun dhe pjesëmarrja në më shumë se njëqind operacione të drejtpërdrejta kundër Iranit, janë disa nga tradhtitë e grupit terrorist MEK ndaj kombit iranian.

Përveç bashkëpunimit ushtarak me armikun Baathist, hipokritët e MEK bashkëpunuan me regjimin Irakian në marrjen në pyetje dhe torturimin e të burgosurve robër të luftës, me qëllim rritjen e presionit psikologjik mbi luftëtarët iranianë. Sipas dokumenteve, kriminelët hipokritë të MEK martirizuan gjithashtu shumë të burgosur iranianë përpara se ata të regjistroheshin në Kryqin e Kuq.

Në vitin 1988, grupi terrorist i hipokritëve të MEK, i nxitur nga Saddami dhe për të ndikuar në rrjedhën e luftës, kreu tre operacione ushtarake relativisht të gjera, gjatë të cilave u martirizuan një numër i madh njerëzish dhe forcash ushtarake të Iranit. Grupi terrorist i hipokritëve të MEK gjatë këtyre viteve ka martirizuar më mijëra njerëz.

Në botimin e saj zyrtar dhe në raportin një vjeçar të punës së vet nga viti 1981 deri në vitin 1982, organizata e tmerrshme terroriste MEK kishte shpallur se ka kryer atentate vrasjeje ndaj 12,000 njerëzve në vitin e parë dhe 7,000 në vitin e dytë. Qëllimi i shumë prej vrasjeve të grupit ishte vrasja e verbër.

Ky rekord apo dosje e zezë tregon se grupi terrorist i hipokritëve të MEK nuk ka kursyer asnjë krim për të arritur qëllimet e tij të mbrapshta. Këta elementë terroristë kanë qenë gjithashtu të përfshirë në vrasjen e shkencëtarëve të industrisë bërthamore si Martir Ali Mohammadi, Martir Shahriari dhe Martir Ahmadi-Roshan.

Hipokritët e MEK edhe brenda Irakut gjithashtu luajtën një rol në operacionin Anfal për shtypjen dhe vrasjen e popullit Kurd që kundërshtonte regjimin e Sadamit. Hipokritët e MEK gjithashtu u vendosën në anën e Saddam Huseinit në shtypjen e intifadës Shiite të Irakut në vitin 1991. Bazuar në prova, grupi i hipokritëve të MEK ka martirizuar më shumë se 25,000 irakianë. Sipas të njëjtave dokumente, Saddami ka dhënë 30 milion dollarë në muaj për hipokritët e MEK pas shtypjes së kurdëve të Irakut.

Hipokritët e MEK për vite me radhë kanë qenë në listën terroriste të Departamentit të Shtetit të SHBA, por grupi tani ka një zyrë lobimi në Uashington dhe në vendet evropiane.

Seyyed Reza Kazvini Gharabi, një ekspert i çështjeve politike dhe një studiues i Fondacionit Habilian, duke iu referuar kontradiktës ideologjike të grupit terrorist MEK, thotë: Udhëheqësit e këtij grupi dikur brohorisnin parulla kundër imperializmit, por shpejt regjistruan zyrtarisht dhe hapën qendra e tyre të lobimit në zemër të Uashingtonit !! Nga njëra anë, ata flasin për demokraci, por nga ana tjetër nuk respektojnë parimet themelore të njerëzimit as edhe tek anëtarët e tyre.

Eksperti i lartë i çështjeve të terrorizmit vuri në dukje se Shtetet e Bashkuara dhe vendet evropiane kanë treguar se në rastin e grupeve terroriste ata veprojnë vetëm sipas interesit të tyre, jo sipas rregullave dhe kornizave etike; Një grup që ka qenë në listën terroriste të vendeve perëndimore për shumë vite, është hequr papritmas nga lista në fjalë sikur të mos kishte ndodhur asgjë.