Një burim i informuar sigurie i tha agjencisë së lajmeve Tasnim të shtunën se udhëheqësit e MEK kanë dalë me planin e zhvendosjes pasi autoritetet e policisë shqiptare dhe Gjykata Speciale e vendit për Korrupsionin dhe Krimin e Organizuar vendosën një sërë kufizimesh të rrepta për banorët e kampit Ashraf-3, në perëndim të kryeqytetit shqiptar Tiranë, pas zbulimit të provave inkriminuese. “Krerët e MEK po bëjnë përgatitje për tërheqjen graduale të anëtarëve të tyre nga Shqipëria,” tha ky burim. Burimi vazhdoi të nënvizonte se drejtuesit e MEK nuk kanë arritur të bindin zyrtarët francezë që të pajtohen me zhvendosjen e një numri terroristësh në një kamp në komunën Auvers-sur-Oise në periferinë veriperëndimore të Parisit. Prandaj, terroristët e MEK kanë përdorur lobet e tyre në qeverinë kanadeze, vuri në dukje burimi, duke shtuar se në hapin e parë janë bërë marrëveshje për zhvendosjen e elementëve të MEK me leje qëndrimi kanadeze ose pasaporta të përkohshme.

Thuhet se terroristët e MEK e kanë marrë këtë vendim pasi kanë kuptuar se status quo-ja e tyre në Shqipëri nuk ndryshon nga ajo që kishin në Irak. Kryeministri i Shqipërisë Edi Rama deklaroi se MEK duhet të largohet nga vendi nëse dëshiron të përdorë tokën shqiptare për të luftuar kundër Iranit, duke shtuar se vendi i tij nuk ka ndërmend të jetë në luftë me Iranin dhe “nuk pranon askënd që ka abuzuar me mikpritjen tonë.”

Ky grup për herë të parë më datë 26 maj 2005 u vendos në listën terroriste të Kanadasë dhe për çdo dy vjet vazhdohej gjendja e këtij grupi në listën e organizatave terroriste të Kanadasë. Mirëpo edhe Kanada duke pasuar Bashkimin Evropian dhe Shtetet e Bashkuara të Amerikës, e hoqi këtë organizatë terroriste nga lista zyrtare terroriste e këtij vendi.

Ministria e Sigurisë Publike e Kanadasë është organi kryesor për vendimmarrje zyrtare në lidhje me vendosjen e grupeve në listën e organizatave terroriste të këtij vendi. Ministri i sigurisë publike të Kanadasë ka thënë: “Lista e grupeve terroriste dërgon këtë mesazh zyrtar se Kanada nuk duron veprimtarinë terroriste si mbështetjen financiare ndaj terrorizmit ose individët të cilët mbështesin veprime të tilla”.

Raporti të cilin po e sjellim në vijim, është publikuar nga Ministria e Sigurisë Publike të Kanadasë më datë 8 gusht 2012.

Muxhahedine Khalk njihet me emra të ndryshme si:

Organizata Muxhahedine Khalk, Organizata e Luftëtarëve për Çlirimin e Popullit të Iranit, Ushtria Çlirimtare Kombëtare e Iranit, MKO, NLA, MEK, ALNI, PMOI, OMPI.

Përshkrim

Muxhahedine Khalk që është formuar në vitet 1960-ta, është një organizatë terroriste iraniane dhe pjesa më e madhe e strukturave dhe anëtarëve të saj ndodhet në Irak dhe nën mbështetjen e Sadam Husejnit Pas luftës së dytë të Gjirit Persik, pjesëtarët e Organizatës Muxhahedine Khalk janë mbledhur në një kamp në Irak. Një grup të pjesëtarëve të kësaj organizate qëndrojnë në Evropë dhe në Amerikën Veriore. Qëllimi kryesor i Organizatës Muxhahedine Khalk është rrëzimi i regjimit aktual të Iranit dhe zëvendësimi i tij me një sistem shtetëror sekularist dhe demokratik. Organizatës Muxhahedine Khalk synon të vendos në pushtet Këshillin Kombëtar të Rezistencës së Iranit, një koalicion politik i përbërë nga grupet opozitare iraniane të lidhur me Muxhahedine Khalk, si një qeveri të përkohshme dhe Maryam Rajavi si presidente të Iranit. Organizatës Muxhahedine Khalk për realizimin e këtyre qëllimeve ka kryer veprime të tilla si terror, sulme të armatosura, pengmarrje, sulme me predha dhe sulme të papritura kundër qeverisë, personelit dhe objekteve ushtarake.

Data e vendosjes në listën terroriste

26 maj 20056

Data e shqyrtimit përsëri të gjendje së MEK

22 dhjetor 2010

Duke cituar Ministrinë e Sigurisë Publike të Kanadasë./ PT