Shoqata Nejat Shqipëri, e përbërë nga ish-anëtarë të shkëputur nga sekti i Raxhavit, e sheh të nevojshme të reagojë ndaj mesazhit të fundit të publikuar nga Maryam Rajavi.
Në mesazhin e saj, Rajavi duke përdorur slogane si “mësimi i lirisë” dhe “Irani i lirë i së nesërmes”, përpiqet të përvetësojë ndjenjat e pastra të rinisë iraniane. Por përvojat e drejtpërdrejta të ish-anëtarëve tregojnë qartë se nuk ka asnjë lidhje midis pretendimeve të saj publike dhe realitetit të brendshëm të organizatës.
Në strukturat e këtij sekti, anëtarët ishin të privuar nga të drejtat më themelore njerëzore: ndarje e detyruar nga familja, ndalim i martesës dhe jetës personale, shtypje e çdo pyetjeje apo kritike, presione të rënda psikologjike dhe seanca të detyruara, si dhe ndalim i shkollimit dhe qasjes së lirë në informacion. Kjo nuk është “shkollë lirie”, por një model i qartë i shtypjes sektare.
Maryam Rajavi sot flet për nxënësit dhe studentët, por e kaluara e këtij grupi dëshmon të kundërtën: të rinjtë dhe adoleshentët janë dërguar në kampet ushtarake në Irak dhe janë përdorur në operacione të rrezikshme, duke lënë mijëra familje iraniane të pikëlluara dhe në pritje të pafundme.
Shoqata Nejat Shqipëri thekson se lufta kundër diktaturës fetare nuk nënkupton kurrë legjitimitet për sektarizmin dhe totalitarizmin e Rajavit. Liria e popullit iranian mund të arrihet vetëm përmes një lëvizjeje të pavarur, popullore dhe demokratike, jo përmes zëvendësimit të një diktature me një tjetër.
Ne ish-anëtarët, që për vite kemi përjetuar kontradiktën mes sloganeve publike të Maryam Rajavi dhe realitetit të brendshëm të këtij sekti, e shohim si detyrë të zbulojmë të vërtetën: sloganet pompoze të Maryam Rajavi janë vetëm një mbulesë për natyrën shtypëse dhe çnjerëzore të organizatës së saj.
Shoqata Nejat Shqipëri – e përbërë nga
ish-anëtarë të sektit të Raxhavit