“Sulm kibernetik armik”/ Kryeministria deklaratë për ndërprerjen e shërbimeve online

Kryeministria del me deklaratë lidhur me ndërprerjen e shërbimit nga faqet qeveritare, si pasojë e një sulmi kibernetik.

Në deklaratë thuhet se Shqipëria është gjendur ditën e sotme nën një sulm masiv kibernetik, të pandodhur kurrë më parë.

Sulmi kriminal kibernetik rezulton të jetë i sinkronizuar dhe i sofistikuar nga jashtë Shqipërisë.

Për të mos lejuar që kjo goditje të dëmtojë sistemin tonë të informacionit, Agjencia Kombëtare e Shoqërisë së Informacionit ka mbyllur përkohësisht aksesin e shërbimeve publike online dhe faqeve të tjera qeveritare.

Sistemet qeveritare do të qëndrojnë të mbyllura deri në neutralizimin e sulmeve armike, teksa AKSHI po punon me ekipin e Microsoft, me ekipin e Jones Group International dhe kompanitë shqiptare në fushën TIK, për të penguar cënimin e sistemit tonë të informacionit nga ky akt kriminal.

mcntv.al

Lini një Përgjigje

Adresa juaj email s’do të bëhet publike.

Back to top button